ممبئی میں رہائشی عمارت گرنے سے 4افراد ہلاک

مہر خبررساں ایجنسی نے ہندوستانی ذرائع کے حوالے سے نقل کیا ہے کہ ہندوستان کے شہر ممبئی میں چار منزلہ رہائشی عمارت گرنے سے 4افراد ہلاک اور متعدد زخمی ہو گئےہیں۔اطلاعات کے مطابق ممبئی کے مشرقی علاقے گھٹکوپار میں چار منزلہ عمارت گرنے سے 4افراد ہلاک ہو گئے ،واقعے کے بعد 30 افراد کے ملبے تلے دبے ہونے کا خدشہ ہے جن کی تلاش کا کام جاری ہے۔ ریسکیو اہلکاروں نے ملبے میں دبی 8خواتین سمیت 12افراد کو نکال کر ہسپتال منتقل کردیا ہے جن میں سے بعض کی حالت نازک ہے ۔